女仔都希望身形窈窕，我知好多人為咗瘦身，會節食捱餓或者亂食減肥餐，除咗效果唔理想，仲會影響健康，所以今期特別介紹一個滋補瘦身嘅「五行瘦身法」俾大家！

天 地有五行，人有五臟，而呢個瘦身法就係將五臟配合五行。五行除咗指金、木、水、火、土，其實亦代表咗人體嘅五臟：心、肝、脾、肺、腎，仲可引伸出五色： 白、青、黑、紅、黃。即係話，每種顏色嘅食物，都對相關嘅內臟有滋補功效。所以只要每餐都吸收到五色食物，就能做到五行相生嘅理念，調和五臟同埋調節整體 機能。當五臟運行得暢順，身體自然可以維持正常新陳代謝，將食物轉化成能量消耗，咁樣就唔會積存晌體內變成脂肪啦！而且身體有足夠精力，纖體就自然事半功 倍！

五行瘦身餐簡單易做，就算唔識煮飯，只要跟足內容去做，一定煮得掂！重點係瘦得勁快，而且同時補身，絕對可以瘦咗、靚咗，又健康咗! 呢個餐仲有排毒清宿便嘅效果，如果能配合可加速大腸蠕動嘅草本茶，瘦腰腹效果勁正！計我話最好約埋幾個同事或老友一齊做，既好玩又可互相加油！正！

五行瘦身餐(5日瘦3-6磅)

早餐：任何蔬果1-2個 + 1片全麥方包，1杯能量薑棗茶

午餐：瘦甘露（全用低脂乳酪，及一定要按以下次序）

第1日. 木瘦甘露 – 青瓜、奇異果各1個、綠茶粉1茶匙、低脂乳酪
第2日. 火瘦甘露 – 蘋果連皮、蕃茄、紅蘿蔔各1小個、低脂乳酪
第3日. 土瘦甘露 – 菠蘿、木瓜各1塊、低脂乳酪
第4日. 金瘦甘露 – 香蕉、梨各1個、低脂乳酪
第5日. 水瘦甘露 – 黑豆漿1盒、低脂乳酪

做法：將蔬果及1杯乳酪放入攪拌機攪成汁即可

下午茶：雜菜蒟蒻卷
材料：無味精雞湯1碗、雜菜1/2碗、蒟蒻卷5件
做法：雞湯滾起，加入雜菜及蒟蒻卷，煮至熟透即可連湯食用

晚餐：隨意食，但必須將肉類及澱粉質分開食，如肉+菜、海鮮+菜、飯+菜、麵+菜等。

能量薑棗茶：薑汁1茶匙或薑2片、5粒紅棗、紅糖1菜匙及1碗水
做法：用中小火煮15分鐘即可

＊備註：午餐與晚餐可互調

* 效果因人而異，數據及圖片只供參考