變面…我唔係講緊中國國粹呀…我講緊我自己呀…

起呢一年的宇宙生活裡面, 我瘦得最明顯…就係我塊面

我呢廿幾年人裡面…最肥, 最腫, 最重的時候…係over 170 磅 (嚇咗一跳呢??)

我有相為証ga

呢張手指指的~ 冇記錯…係我2008年around 11月同朋友去happy hour影ga…你地睇下我塊面…圓到成個波咁, 再加埋隻手臂同堅厚的熊背…係唔係想 C 呢???

呢張呢~ 係我2009年1月食團年飯影ga…面~好似尖咗…呃人ga, 角度問題ja…我當時係完全冇輕過, 仲係咁重ga~~ 對手臂係呃唔到人ga~~

以上兩套衫…我仲未唔要ga, 仲起我衣櫃ga…灰色果件我宜家著, 係會跌膊ga

下面團年buffet 果套衫…其實我著過ga, 起我地個x’mas party, 我果條黑色裙呀…你地留意下心口果隻蝴蝶結。

當時, 風扇哥係最瘦ga (雖然宜家都瘦)…我地兩個企埋一齊, 我個下身…絕對開到佢兩個佢果陣仲好serious 咁同我講“你宜家唔好叫我抱起你呀…你幾年前冇咁大份, 我又冇咁瘦先抱得起你ja~ 如果你好憎我, 你先叫我抱起你啦~"我已經黑住面問點解… “因為…你宜家叫我抱起你, 即係叫我整斷條腰骨C ga 姐~"

講真, 聽到一個最親的人咁講…真係…何旨嬲爆???仲灰爆tim ar!!!!! 真係好hurt ga~就果陣時開始, 我就開始了減肥這念頭!!!!! 好…你睇C我丫嘛~ 我就減俾你睇!!! 哼!!!

果陣, 跟咗個"西柚減肥餐" 半年….係~係減得快…跟西柚餐 + 狂跳funky dance (一星期有4-5日都跳哦)…半年內total 減咗20 lbs~ 但因為長期冇澱粉質落肚, 冬天時即使起室內唔凍, 我自己已經著住好多衫都可以係咁震, 係凍到震…仲要成日好似好累, 工作完全提唔起勁…反應仲遲鈍咗tim~

有見及此, 梗係停啦…停咗半年, 反彈囉, 重返10lbs (即係 around 160-165 lbs), 當時見自己肥返, 又想再減肥喇…不過唔敢再跟西柚餐喇…見過鬼唔怕黑咩~

仲有一個問題呀, 我可能一直都食得少菜多肉…便便唔好這問題一直都困擾住我…有段長時間~ 一星期只去到 1 次, 所以每次去便便都會特別辛苦, 經常很容易就整損~~ 仲有呀, 因為個肚成日谷住谷住, 搞到皮膚差哂, 自己d 脾氣仲會暴燥d tim ar~

當時試過用好多方法ga, 飲纖維粉啦, 用甘油條啦, 用灌膠藥水啦, 食防便秘藥丸…最癲的時候, 試過亂食野務求令自己肚痛去到廁所…係唔係痴咗線呢???

但呢d 根本就係治標不治本的方法, 有d 仲直情係傷害自己身體tim~ 所以, 一直想搵d 又可以減肥, 又可以改善自己腸胃問題的方法。

就係果時 (2010年3月), 俾我睇到茶茶個blog, 一路睇一路覺得 “宇宙飲食法係唔係真係咁堅呀??" 諗下諗下~ 可以一試wor, 反正…唔駛我join course…唔駛買藥~ 只係lunch & dinner 每餐都要70% 菜, 30% 肉/ 飯~ ok 丫~ 俾一個月時間自己…睇下會唔會輕到先?? 輕到就keep 住食啦~

就係咁, 食咗一個月+ 跳舞~ 咦咦~ 真係輕咗wor…

如是姐, 就咁跟咗半年, 就俾我減到15 lbs…

右邊果張…就係2009年12月影ga…塊面包包地圓圓地咁啦~

左邊果張…就係2010年5/6月時剛剛剪完頭髮影ga, 明顯地, 跟宇宙半年塊面尖咗冇咁腫

之後一路都有宇宙, 不過可能因為食唔夠蔬果, 減磅一直都好慢 (有時仲久唔久破戒tim)

到10年9月時, 前同事結婚請飲, 我梗係有去啦~ 點知班口臭同事問我 – “Fanny, 你係唔係去咗韓國一轉返黎呀??" 初初我都唔明, 佢地話 “冇見你一排, 瘦咗咁多又靚咗, 以為你去咗韓國整整ja"…真係 — 無奈呀~

只係跟飲食, 跟了一年, 雖然, 我的飲食習慣已經改變了好多…keep 住多菜, 少肉/ 少澱粉, 但係難便便的問題, 都未解決得哂~ 不過都比之前好咗ga la, 都2-3日有得去啦~

就起10年11月開始, 我開始試下買酵精 & 草本茶飲, 因為見好多小天使都話呢2個排毒孖寶好勁, 對於便秘呀, 食大咗呀都有好勁的幫助, 所以…試下囉~ 睇下可唔可以解決我呢個咁嚴重的問題~

排毒孖寶 1號: 排毒酵精

排毒酵精~ 有清宿便, 收腩仔同淨腸的功效!!! 一睇, 中哂我所需要的…佢裡面含有多種蔬果的酵素, 呢D酵素, 正正就係可以幫你調理身體, 促進新陳代謝, 從而幫助腸道臑動, 令你身體自然地排出體內毒素!!!  腸道健康了, 排毒順暢仲有個好處呀 ~ 就係…皮膚都好d, 靚d tim 呀~

香港人經常夜瞓, 工作時間長, 又經常食一d 加工食物呀, 快餐呀, 油炸食物, 因為呢d 不良習慣, 令到身體積存了不少毒素, 如果冇適當地排出, 就會令你身體出現毛病ga la~

排毒孖寶 2號 : 荷葉草本茶

草本茶味道好好ga, 又容易入口, 有飲局呀, 食得油膩的時候, 沖番一杯黎飲好好ga, 除咗去油膩, 仲可以加速你腸道臑動, 從而排毒~

就係因為有排毒二寶, 令我排毒得以改善~

以前一星期一次, 到宜家每日最少一次,

係唔係變化好大呢??

到宜家~ 計下計下我都減咗23-25 lbs lu, 雖然我仲有12 lbs 先到我target…但已經比之前減咗唔少喇~ 塊面一路咁尖…前一陣子行街, 仲比個sales 姐姐問我係唔係得19歲tim ar

呢12 lbs…我會俾心機快快KO佢, 我好有信心做到ga, 你地咁多位小天使都要加油呀!!!

* 效果因人而異，數據及圖片只供參考