<東方日報> 報道: https://bit.ly/3zmWoA8

擁有36E豐滿上圍、有「學霸甜心」之稱的鄭杞瑤（Kylie C.），早前偕同門師弟林灝邦（Brian）跟教練學泰拳，期望操出小蠻腰及腹肌，以最弗身材迎接夏日水着！Kylie C.不擔心「咪咪」縮水，認為有腰較有胸更重要。

Kylie C.最近孖住同門師弟Brian學泰拳，2人有板有眼，對打時狠勁十足。Kylie C.透露中學時學過一、兩年泰拳，又自爆曾發生小插曲：「我本身有整指甲，但打拳時成塊指甲反咗喺個拳套入面，所以奉勸大家打拳就唔好整指甲！」她透露以往一星期有五、六天會做運動，疫情下大減至一、兩日，腹肌因此消失無蹤，她說：「希望條腰S番同埋有少少人魚線，否則着唔到泳衣。（可以影啲尺度大膽啲嘅相？）可能係另一啲造型，要見到我嘅成果。（擔唔擔心上圍縮水？）最Fit時都Keep到（上圍），雖然有少少變，但仲有。（夠用？）夠嘅，條腰緊要啲！」問到是否鍾情運動型男生？她直言對喜歡踢足球的男生有好感：「係情意結，因為我鍾意睇波，但唔一定要好大隻，Fit就夠。我怕對方太鍾意運動，可能會成日捉我去做運動！」

師弟Brian打出線條
至於Brian本身是香港手球代表隊成員，中學時曾代表香港出戰亞洲青年運動會，他認為學泰拳似學了一門功夫，可以保護自己及身邊人。身為運動員的他自認不是肌肉型，而是技巧型：「我好懶做Gym，加上我本身好高，如果有肌肉就會好大舊。我覺得打泰拳好好，可以令身形更有線條。」